طاولة جانبية صغيرة ملونة بألوان بوهيمية مميزة - برتقالي

أنتكها

اسمي راما جرار وعمري 29، لما خلصت مدرسة ودخلت الجامعه ما كنت بعرف شو ميولي ولا شو بدي أدرس، درست رياضه واكتشفت ب سنة تالته إني ما بحبها بس خلص صرت قاطعه.تخرجت و بعد سنه صرت أحس إني بحب الفن، فحبيت أرجع أدرس جرافيك و فعلا رجعت درست دبلوم جرافيك، بس برضه لما خلصت جرافيك حسيت إنه مو هادا الشي الي بدي ياه. كنت لما اشوف الالوان بمكتبه أو أي مكان تلفت نظري، بعدين اكتشفت إني بحب الالوان.أنا بطبيعتي بحب الأشياء الغريبة، ما بحب الأشياء التقليدية، وهادا هو مبدأ أنتيكها، الأشياء اللي فيها مو موجوده مكان تاني او ممكن نكون اول ناس طلعنا الفكره. وبنحب نرضي الناس الي بدور على الاشياء الغريبة.بلشت انتيكها من خزانة موجوده بغرفتي، كل ما امر من جنبها احس اني لازم اغير فيها شي، الوانها او البسها شي، وفعلا في يوم فضيتها وقشرتها وحفيتها وبلشت ألون فيها وطلعت خيله ومن وقتها بلشت بشغلي. لما ابلش اشتغل بنسى الدنيا، حتى لما اكون متضايقه كتير بحب اشتغل حتى أنسى كل شي.